திராவகத்தை அருந்திய சிறுவன் உயிரிழப்பு!

கலஹா பொலிஸ் பிரிவுக்கு உட்பட்ட தெல்தோட்டை பியசேனபுர பிரதேசத்தில் இரண்டரை வயதான சிறுவன் தங்கத்தை சுத்திகரிக்கும் திராவகத்தை அருந்திய நிலையில் உயிரிழந்த சம்பவம் ஒன்று இடம்பெற்றுள்ளது.

தனது தந்தையுடன் தெல்தோட்டை நகரில் உள்ள தங்கம் வியாபார நிலையத்திற்கு சென்று இருந்த போது அங்கு இருந்த திராவகத்தை தண்ணீர் என்று நினைத்து அதனை அருந்தியுள்ளார்.

சம்பவத்தை அடுத்து தெல்தோட்டை  பிரதேச வைத்தியசாலைக்கு கொண்டு சென்ற போதும் சிறுவன் சிகிச்சை பலனின்றி உயிரிழந்தார்.  

தற்போது சடலம் பேராதெனிய வைத்தியசாலைக்கு  கொண்டு செல்லப்பட்டுள்ளது.