தேர்தல் விதிமீறல்கள் அதிகரிப்பு - 1000ஐ தாண்டிய முறைப்பாடுகள்!

பொதுத் தேர்தலுடன் தொடர்புடைய முறைப்பாடுகளின் எண்ணிக்கை 1136 ஆக அதிகரித்துள்ளது.

இலங்கை தேர்தல் முறைப்பாட்டு முகாமைத்துவ நிலையத்திற்கு 316 முறைப்பாடுகளும் மாவட்ட தேர்தல் முறைப்பாட்டு முகாமைத்துவ நிலையத்திற்கு 820 முறைப்பாடுகளும் 21 ஏனைய முறைப்பாடுகளும் கிடைத்துள்ளன.

கடந்த 24 மணி நேரத்தில் ஒரு வன்முறை சம்பவம் உட்பட 94 முறைப்பாடுகள்  பதிவாகியுள்ளதாக தேர்தல் ஆணைக்குழு தெரிவித்துள்ளது.

இதுவரை 11 வன்முறைச் சம்பவங்கள் பதிவாகியுள்ளன நிலையில், தேர்தல் சட்டத்தை மீறியமை தொடர்பான முறைப்பாடுகளே இதுவரை அதிகமாக கிடைக்கப்பெற்றுள்ளன.

அதனடிப்படையில் இதுவரையான முறைப்பாடுகளில் 939 முறைப்பாடுகளுக்கான தீர்வுகள் கண்டறியப்பட்ட நிலையில், 197 முறைப்பாடுகள் குறித்து நடவடிக்கைகள் எடுக்கப்பட்டு வருகின்றன.