தென் சூடானில் 20 பேர் உயிரிழப்பு - தென்கொரியாவில் விமானம் தீக்கிரை!

தென் சூடானில் 21 பயணிகள் மற்றும் பணியாளர்களுடன் சென்ற விமானமொன்று விபத்துக்குள்ளானதில் குறைந்தது 20 பேர் உயிரிழந்தாக தெரிவிக்கப்பட்டுள்ளது.

குறித்த விமானம், தென் சூடானின் எண்ணெய் கிணறு பகுதியில் இருந்து புறப்பட்டதாகத் தெரிவிக்கப்பட்டுள்ளது.

விபத்துக்கான காரணம் இதுவரை வெளியாகவில்லை என சர்வதேச ஊடகங்கள் தெரிவித்துள்ளன.

தென் சூடானில் இதற்கு முன்னர் பல விமான விபத்துக்கள் ஏற்பட்டுள்ளன. 2015ஆம் ஆண்டில், ஜூபாவில் (Juba) இருந்து புறப்பட்ட விமானம் விபத்துக்குள்ளானதில் 37 பேர் வரை உயிரிழந்தனர்.

அதேவேளை, 2018ஆம் ஆண்டில், ஜூபாவிலிருந்து யிரோலுக்குச் (Yirol) சென்ற சிறிய விமானமொன்று விபத்துக்குள்ளானதில் குறைந்தது 19 பேர் வரை உயிரிழந்தமை குறிப்பிடத்தக்கது.

இதனிடையே,  அமெரிக்காவின் அதிநவீன போர் விமானமான F-35 அலாஸ்காவில் விழுந்து நொறுங்கியது.

விமானத்தின் பைலட் பாராசூட் உதவியுடன் தனது உயிரைக் காப்பாற்றிக்கொண்டார்.

அலாஸ்காவில் உள்ள ஏல்சன் விமானப்படை தளத்தில் பயிற்சியின் போது இந்த விபத்து ஏற்பட்டது.

இந்த விபத்து செவ்வாய்க்கிழமை உள்ளூர் நேரப்படி மதியம் 12:49 நடந்தது.

விபத்துக்கான காரணம் குறித்து செய்தியாளர்களிடம் பேசிய விமானப்படையின் 354-வது ஃபைட்டர் விங்கின் கமாண்டர் கர்னல் பால் டவுன்சென்ட், விமானம் பறக்கும் போது விமானத்தில் ஒரு சிக்கலை எதிர்கொண்டதாகவும், இதன் காரணமாக, விமானம் தரையிறங்கும் போது விபத்துக்குள்ளானது என்றும் கூறியுள்ளார்.

இந்தநிலையில், தென் கொரியாவில் 176 பயணிகளுடன் சென்ற விமானம் தீப்பிடித்ததுள்ளதாக தெரிவிக்கப்படுகிறது.

கிம்ஹே விமான நிலையத்தில் பயணிகள் விமானம் ஒன்றே இவ்வாறு  தீப்பிடித்ததுள்ளது.

எனினும், பயணிகள் 176 பேரும் பாதுகாப்பாக வெளியேற்றப்பட்டதாக அந்நாட்டு ஊடகங்கள் செய்தி வெளியிட்டுள்ளன.

இதில் தென் 169 பயணிகள் மற்றும் ஏழு பணியாளர்களுடன் 176 பேரை ஏற்றிக்கொண்டு புறப்பட தயார் நிலையில் இருந்ததாக தெரிவிக்கப்படுகிறது