முத்துராஜா யானைக்கு சிகிச்சையளிக்க விசேட குழுவொன்று தாய்லாந்து செல்கிறது!

இலங்கையிலிருந்து திருப்பியனுப்பப்பட்ட முத்துராஜா என்ற யானைக்கு சிகிச்சையளிக்கும் பணியில் இணைந்து கொள்வதற்காக, தேசிய விலங்கியல் பூங்கா திணைக்களத்தின் வைத்தியர்கள் குழாம் ஒன்று தாய்லாந்துக்கு சென்றுள்ளது.

தாய்லாந்து அரசாங்கத்தின் அழைப்பின் பேரில் இந்தக் குழாம் அந்த நாட்டுக்கு பயணமாகியுள்ளது.

இந்தக் குழாமில் விலங்கியல் பூங்கா திணைக்களத்தின் விலங்குகள் நலப் பணிப்பாளரான கால்நடை வைத்தியர் சந்தன ராஜபக்ஷ, கால்நடை வைத்தியர் மதுஷா பெரேரா மற்றும் சிரேஷ்ட விலங்குகள் பாதுகாவலர் நந்துன் அத்துலத்முதலி உள்ளிட்டோர் அடங்குவதாக தெரிவிக்கப்பட்டுள்ளது.