பதுளை - கொஸ்லாந்தை – மீரியபெத்தையில் மீண்டும் மண்சரிவு அபாயம்!
பதுளை கொஸ்லந்தை – மீரியபெத்தை பகுயில் ஏற்கனவே மண்சரிவு ஏற்பட்ட பகுதியில் மீண்டும் மண்சரிவு ஏற்படக் கூடிய அபாயம் நிலவுவதாக எச்சரிக்கப்பட்டுள்ளது.
Kiri varma
50
ஹல்தமுல்ல பிரதேச செயலாளர் கே.என். பிரியங்கனி இந்த எச்சரிக்கையை விடுத்துள்ளார்.
தேசிய கட்டிட ஆராய்ச்சி நிறுவகத்தின் அறிவுறுத்தலுக்கமைய, அபாயம் நிலவும் இரண்டு தொடர் குடியிருப்புகளைச் சேர்ந்த 27 குடும்பங்கள் அங்கிருந்து வெளியேற்றப்பட்டுள்ளதாக அவர் குறிப்பிட்டுள்ளார்.
இதேவேளை, மண்சரிவு அபாயம் காரணமாக ஹப்புத்தளை சேர்வுட் தோட்டத்தை சேர்ந்த 27 குடும்பங்களுக்கு உட்பட்ட மக்கள் அங்கிருந்து வெளியேற்றப்பட்டுள்ளனர்.
அவர்கள் அருகிலுள்ள பாடசாலை ஒன்றில் தங்க வைக்கப்பட்டுள்ளனர்.
