நித்திரை கலக்கத்தில் சாரதி -   மோட்டார் சைக்கிள்களுடன்  மோதிய கார் ! 

கொழும்பு கோட்டை - இலங்கை வங்கி மாவத்தையின் உலக வர்த்தக மையத்தின் முன்னால் இன்று இடம்பெற்ற விபத்தில் 7 மோட்டார் சைக்கிள்களும், கார்  ஒன்றும் சேதமடைந்துள்ளன.
 
குறித்த விபத்தில் காயமடைந்த ஒருவர் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
 
கோட்டை பகுதியிலிருந்து பிரவேசித்த காரின்  சாரதிக்கு நித்திரை கலக்கம் ஏற்பட்டதையடுத்து, இலங்கை வங்கி மாவத்தையில் உள்ள வாகன தரிப்பிடத்தில் தரித்து வைக்கப்பட்டிருந்த வாகனங்கள் மீது அவரின் கார்  மோதுண்டுள்ளது.
 
இந்தநிலையில், மோட்டார் சைக்கிளில் இருந்த நபர் ஒருவர் காயமடைந்த நிலையில் கொழும்பு தேசிய வைத்தியசாலையில் அனுமதிக்கப்பட்டுள்ளதுடன், விபத்து தொடர்பான மேலதிக விசாரணைகளுக்காக காரின்  சாரதி கைதுசெய்யப்பட்டுள்ளதாக பொலிஸார் தெரிவித்தனர்.