மக்கள் மீது விரும்பி வரி விதிக்கவில்லை - ஜனாதிபதி தேர்தலையும் எதிர்கொள்ள தயார்!
2024ஆம் ஆண்டில் தேர்தல் நிச்சயமாக நடைபெறும். அது எந்த தேர்தலாக இருந்தாலும் அதனை எதிர்கொள்வதற்கு இலங்கை தொழிலாளர் காங்கிரஸ் தயாராகவே இருப்பதாக அதன் பொதுச்செயலாளரும், நீர்வழங்கல் மற்றும் தோட்ட உட்கட்டமைப்பு வசதிகள் அபிவிருத்தி அமைச்சருமான ஜீவன் தொண்டமான் தெரிவித்தார்.
Kirishan
62
அத்துடன், பெருந்தோட்டத் தொழிலாளர்களின் வேதனப் பிரச்சினைக்கு விரைவில் தீர்வு கிடைக்கும் எனவும் அவர் நம்பிக்கை வெளியிட்டார்.
இன்று (03) கொழும்பில் உள்ள அவரது அமைச்சில் இடம்பெற்ற ஊடகவியலாளர் சந்திப்பில் கலந்துக் கொண்டு உரையாற்றும் போதே அவர் இதனைத் தெரிவித்தார்.
"நெருக்கடி நிலைமையில் இருந்து நாட்டை மீட்டெடுப்பதற்கு கடந்த வருடம் பல வேலைத்திட்டங்கள் முன்னெடுக்கப்பட்டன. 2022 காலப்பகுதியில் இருந்த நிலையிலிருந்து நாடு படிப்படியாக இயல்பு நிலைக்கு திரும்பி வருகின்றது.
