முன்னாள் அமைச்சர்களின் இல்லங்களுக்கு இராணுவ பாதுகாப்பு!
janu
அரசாங்கத்திடம் கையளிக்கப்பட்ட முன்னாள் அமைச்சர்கள் பயன்படுத்திய உத்தியோகபூர்வ இல்லங்களுக்கு பாதுகாப்பிற்காக இராணுவம் ஈடுபடுத்தப்பட்டதாக நீதி, அரச நிர்வாகம், உள்நாட்டலுவல்கள், மாகாண சபைகள், உள்ளூராட்சி மற்றும் நீதி அமைச்சு தெரிவித்துள்ளது.
அதிகபட்ச பாதுகாப்பை உறுதி செய்யும் நடவடிக்கையாக, அமைச்சுகளின் தலைவர்களின் அறிவித்தலின் பிரகாரம், அரச உத்தியோகபூர்வ இல்லங்களுக்கு இராணுவப் படையினர் அனுப்பப்பட்டதாக தெரிவிக்கப்பட்டுள்ளது.
முன்னாள் அமைச்சர்கள் மற்றும் இராஜாங்க அமைச்சர்களுக்கு அரசாங்கம் வழங்கிய 28 உத்தியோகபூர்வ இல்லங்களும் அரசாங்கத்திடம் கையளிக்கப்பட்டுள்ளதாக அமைச்சு தெரிவித்துள்ளது.
மேலும், அரசாங்கத்திடம் ஒப்படைக்கப்பட்ட உத்தியோகபூர்வ இல்லங்களின் உடமைகள் குறித்து இந்த நாட்களில் தனித்தனியாக விசாரணை நடத்தப்பட்டு வருவதாக அந்த வட்டாரங்கள் குறிப்பிட்டுள்ளன.
