புதிய நாமல் ராஜபக்ஷவுடன் 36 வேட்பாளர்கள் கட்டுப்பணம் செலுத்தியுள்ளனர்!

எதிர்வரும் ஜனாதிபதித் தேர்தலுக்காக மொத்தம் 36 வேட்பாளர்கள் கட்டுப்பணம் செலுத்தியுள்ளதாக தேர்தல்கள் ஆணைக்குழு தெரிவித்துள்ளது.

இதில் அங்கீகரிக்கப்பட்ட அரசியல் கட்சிகளை பிரதிநிதித்துவப்படுத்தும் 19 வேட்பாளர்களும், மற்றொரு அரசியல் கட்சியின் வேட்பாளர் ஒருவரும், அந்தந்த பிரதிநிதிகளால் பரிந்துரைக்கப்பட்ட 16 சுயேச்சை வேட்பாளர்களும் அடங்குவர்.

இந்த நிலையில் கையளிக்கப்பட்ட வேட்புமனுக்களில் சமபிம கட்சியைச் சேர்ந்த நாமல் ராஜபக்ஷ என்ற பெயரில் மற்றொரு வேட்பாளரும் உள்ளார்.

ஸ்ரீ லங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ஷ தேர்தலில் போட்டியிடுவதற்காக இதுவரை தனது பண வைப்புத்தொகையை சமர்ப்பிக்கவில்லை.