இன்றைய வானிலை அறிக்கை

இன்று (04) முதல் நாடு முழுவதும் தற்போது காணப்படும் மழையுடனான வானிலை குறையும் என எதிர்பார்க்கப்படுகிறது.

மேற்கு, சப்ரகமுவ மாகாணங்களிலும், காலி மற்றும் மாத்தறை மாவட்டங்களிலும் சில இடங்களில் மாலை அல்லது இரவில் மழை அல்லது இடியுடன் கூடிய மழை பெய்யக்கூடும்.

கிழக்கு கடலோரப் பகுதிகளில் காலை வேளையில் சில இடங்களில் மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.

இடியுடன் கூடிய மழை பெய்யும் போது தற்காலிகமாகப் பலத்த காற்று மற்றும் மின்னல் தாக்கத்தால் ஏற்படும் சேதங்களைக் குறைப்பதற்கு போதுமான முன்னெச்சரிக்கை நடவடிக்கைகளை எடுக்குமாறு கேட்டுக் கொள்ளப்படுகிறார்கள்.

காற்று:

காற்று வடகிழக்கு முதல் கிழக்கு வரை வீசும் மற்றும் வேகம் மணிக்கு (25-35) கி.மீ. வரை இருக்கும்.

காலியிலிருந்து மாத்தறை வழியாக ஹம்பாந்தோட்டை வரையிலான கடல் பகுதிகளில் காற்றின் வேகம் அவ்வப்போது மணிக்கு (40-45) கி.மீ. வரை அதிகரிக்கும்.

கடல் நிலை:

காலியிலிருந்து மாத்தறை வழியாக ஹம்பாந்தோட்டை வரையிலான கடற்கரையோரக் கடல் பகுதிகள் மிகவும் கொந்தளிப்பாக இருக்கும். தீவைச் சுற்றியுள்ள பிற கடல் பகுதிகள் மிதமானதாக இருக்கும்.

இடியுடன் கூடிய மழை பெய்யும் போது தற்காலிகமாக பலத்த காற்று வீசும் மற்றும் கடல் மிகவும் கொந்தளிப்பாக இருக்கும்.