பிரித்தானிய வரலாற்றில் மோசமான தோல்வி -  தமிழ் பெண் வேட்பாளர் வெற்றி!

பிரிட்டன் தேர்தல் வரலாற்றில் மோசமான ஒரு தோல்வியை கன்சர்வேடிவ் கட்சி சந்தித்துள்ளது.

இதன் மூலம், புதிய பிரதமராக கெய்ர் ஸ்டாமர் பதவியேற்கலாம் என எதிர்பார்க்கப்படுகிறது. 2020ஆம் ஆண்டு தொழிலாளர் கட்சியின் தலைவராகத் கெய்ர் ஸ்டார்மர் தேர்ந்தெடுக்கப்பட்டார்.

தற்போது ஸ்டார்மர் தலைமையிலான தொழிலாளர் கட்சி வெற்றி பெற்றுள்ள நிலையில், பிரதமராக இருக்கும் இந்திய வம்சாவளியைச் சேர்ந்த ரிஷி சுனக் தனது பதவியை இழக்கவுள்ளார்.

இதுவரை வெளியான தேர்தல் முடிவுகளின் படி, தொழிலாளர் கட்சி 409 ஆசனங்களையும் கன்சர்வேடிவ் கட்சி 113 ஆசனங்களையும் லிபரல் டெமாக்ரடிக் கட்சி 70 ஆசனங்களையும் பெற்றுள்ளன.

இதனிடையே, பிரித்தானியா தேர்தலில் தொழிலாளர் கட்சி சார்பாக போட்டியிட்ட உமா குமாரன், 19,145 வாக்குகளை பெற்று பெரும் வெற்றியடைந்துள்ளார். 

இவர் ஈழத் தமிழ் பெண் என்பது உலகத் தமிழர்களுக்கு பெருமை சேர்க்கும் விடயம். பிரித்தானிய வரலாற்றில் முதல் தமிழ் நாடாளுமன்ற உறுப்பினர் உமா குமரன் ஆவார்.

அவரை எதிர்த்துப் போட்டியிட்ட எல்லாக் கட்சி உறுப்பினர்களையும் விட பல மடங்கு அதிக வாக்குகளைப் பெற்று உமா குமரன் வெற்றி பெற்றுள்ளார்.
 
நடந்து முடிந்த பிரித்தானிய பொதுத்தேர்தலில் தொழிலாளர் கட்சி மகத்தான வெற்றியை பெற்றுள்ளதோடு அக்கட்சி 410 ஆசனங்களை பெறும் என எதிர்பார்க்கப்பட்டுள்ளது.

அதற்கமைய, தொழிலாளர் கட்சியின் தலைவர் கெய்ர் ஸ்டார்மர் புதிய பிரதமராக பதவியேற்கவுள்ளார்.

தொழிலாளர் கட்சி வெற்றி பெற தேவையான 326 ஆசனங்களை எட்டிய பிறகு, கட்சி ஆதரவாளர்களிடம் கெய்ர் ஸ்டார்மர் உரையாற்றியுள்ளார்.

வாக்களித்த மக்களுக்கு நன்றி கூறிய அவர், இது ஒரு பெரிய பொறுப்பு எனவும் நீங்கள் எங்கள் நாட்டை மாற்றிவிட்டீர்கள் எனவும் கூறியுள்ளார். 

பிரித்தானிய வரலாற்றிலேயே மோசமான தோல்வியை சந்தித்த கன்சர்வேடிவ் கட்சி
14 ஆண்டுகால ஆட்சி

இதன்மூலம் தற்போது பிரதமர் ரிஷி சுனக் தலைமையிலான கன்சர்வேடிவ் கட்சியின் 14 ஆண்டுகால ஆட்சி முடிவுக்கு வரும் என எதிர்ப்பார்க்கப்படுகிறது.

மந்தமான பொருளாதார வளர்ச்சி, நிறுவனங்கள் மீதான நம்பிக்கை குறைந்து வருவது மற்றும் மோசமடைந்து சமூக கட்டமைப்பு போன்றவற்றினால் இத்தேர்தலில் கேர் ஸ்டார்மெர் தலைமையிலான தொழிலாளா் கட்சிக்கே வெற்றி வாய்ப்பு அதிகம் உள்ளதாக கணிக்கப்பட்டுள்ளது.

இங்கிலாந்தை அடுத்த 5 ஆண்டுகளுக்கு ஆட்சி செய்யவிருப்பவரைத் தீர்மானிக்கும் இந்தத் தோ்தலில் 650 நாடாளுமன்றத் தொகுதிகளுக்கு வாக்களிப்பு நடைபெற்றுள்ளது.

கடந்தாண்டில் நாடாளுமன்றத் தொகுதி எல்லைகள் திருத்தியமைக்கப்பட்டதோடு ஐரோப்பிய ஒன்றியத்திலிருந்து இங்கிலாந்து வெளியேறிய பின்னர் நடைபெறும் முதல் பொதுத்தோ்தல் இதுவாகும்.