2025 புத்தாண்டில் உலக மக்கள் தொகை? 

2025 புத்தாண்டு மலர்ந்துள்ள நிலையில் உலக சனத்தொகையும் இன்றைய தினத்தில் 809 கோடியாக (8.09 பில்லியனாக) உயர்ந்துள்ளதாக புதிய அறிக்கையொன்று தெரிவிக்கிறது.

குறித்த அறிக்கையானது அமெரிக்காவின் மக்கள் தொகை கணக்கெடுப்பு துறையால் வெளியிடப்பட்டுள்ளது.

அதன் அறிக்கையில், 2024 ஆம் ஆண்டில் உலக மக்கள் தொகை 71 மில்லியன் (7.1 கோடி) உயர்ந்துள்ளது .

2023 ஆம் ஆண்டில் 75 மில்லியன் மக்கள் உயர்ந்த நிலையில் இந்த வருடம் (2024) மக்கள் தொகை உயர்வு 0.9% குறைவாக உள்ளது.

அத்துடன் 2025 ஜனவரி மாதம் முதல் ஒவ்வொரு நொடிக்கும் சராசரியாக 4 குழந்தைகள் பிறக்கும் என்றும் 2 பேர் இறப்பார்கள் என்றும் அந்த அறிக்கையில் குறிப்பிடப்பட்டுள்ளது.