அரச பேருந்திலிருந்து தவறி விழுந்த பெண்!

கிளிநொச்சி - கரடி போக்கு பகுதியில் அரச பேருந்திலிருந்து பெண்ணொருவர் தவறி விழுந்து விபத்துக்குள்ளாகிய சம்பவம் ஒன்று பதிவாகியுள்ளது. 

குறித்த விபத்தானது, நேற்றைய தினம் (04.04.2024) இடம்பெற்றுள்ளது. 

காயமடைந்த பெண் வேலைக்கு செல்வதற்காக அரச பேருந்தில் பயணித்த போது தரிப்பிடத்தில் இறங்க முற்பட்டுள்ளார். 

இதன்போது, பெண் இறங்குவதை அவதானிக்காத சாரதி பயணிகளை ஏற்றிய பின்னர் உடனடியாக பேருந்தை செலுத்தியுள்ளார்.

இந்நிலையில், தவறி விழுந்த பெண் சிறு காயமடைந்துள்ளதுடன் கிளிநொச்சி வைத்தியசாலையில் சிகிச்சைக்காக அனுமதிக்கப்பட்டுள்ளார்.