இலங்கை பெண்ணொருவர் சவூதியில் மர்மமான முறையில் உயிரிழப்பு!

சுமார் 3 மாதங்களுக்கு முன்னர் குறித்த பெண் உயிரிழந்ததாகவும், அவரின் மரணம் தொடர்பில் கிராம உத்தியோகத்தரின் ஊடாக குடும்பத்தினர், வினவியதை அடுத்தே விடயம் தெரியவந்துள்ளது.

ஹொரணை – அங்குருவாதொட்ட பகுதியைச் சேர்ந்த 34 வயதான மூன்று பிள்ளைகளின் தாயே இவ்வாறு உயிரிழந்தார். 

தனியார் வெளிநாட்டு வேலைவாய்ப்பு முகவரகம் ஒன்றின் ஊடாக அவர் 2021ஆம் ஆண்டு சவூதி அரேபியாவுக்கு சென்றுள்ளார். 

 அங்கு சென்ற அவர், சுமார் 3 மாதங்களுக்கு முன்னர் தமது குடும்பத்தினருடன் தொலைபேசியில் உரையாடியுள்ளார்.

இந்தநிலையில், அவரின் மரணத்தில் சந்தேகம் நிலவுவதாக தெரிவித்து, அவரது குடும்பத்தினர் வெளிநாட்டு வேலைவாய்ப்பு பணியகத்தில் முறையிட்டுள்ளனர்.