பிரான்ஸ் விடுதியொன்றில் தீ பரவல் - 11 பேர் உயிரிழந்திருக்கலாம் என அச்சம்!

ஜேர்மன் எல்லையிலிருந்து 70 கிலோமீற்றர் தூரத்திலுள்ள வின்ட்ஸென்ஹெய்ம் நகரில் 
இன்று (9) முற்பகல் இந்த சம்பவம் இடம்பெற்றுள்ளது.

மாற்றுத்திறனாளிகளுக்கான நிகழ்ச்சிகள் நடைபெற்றுக்கொண்டிருந்த விடுதியொன்றிலேயே தீப்பற்றியுள்ளது.

9 பேரின் சடலங்கள் மீட்கப்பட்டுள்ளதாகவும் மேலும் இருவரை காணவில்லை எனவும் அதிகாரிகள் தெரிவித்துள்ளனர். 

காணாமல் போனவர்களும் உயிரிழந்திருக்கலாம் என அஞ்சப்படுவதாக அதிகாரிகள் தெரிவித்துள்ளனர்.

தீ தற்போது கட்டுப்பாட்டுக்குள் கொண்டு வரப்பட்டுள்ளதாகவும், எனினும், தீ பரவியமைக்கான காரணம் தெரியவில்லை எனவும் கூறப்படுகிறது.