மாலைத்தீவில் ஓய்வெடுக்கும் நடிகர் ரஜினிகாந்த்: வைரலாகும் புகைப்படம்

நடிகர் ரஜினிகாந்த் மாலைத்தீவு கடற்கரையில் ஓய்வாக நடந்து செல்லும் புகைப்படம் ஒன்று இணையத்தில் வைரலாகி வருகின்றது.

நெல்சன் தீலிப்குமார் இயக்கத்தில் நடிகர் ரஜினிகாந்த் நடித்துள்ள ‘ஜெயிலர்’ படத்தின் இரண்டாவது ஒற்றைப் பாடலான ‘Hukum’ நேற்று (17) வெளியாகி வைரலாகியுள்ளது. 

இந்த படத்தைத் தொடர்ந்து தனது மகள் ஐஸ்வர்யா ரஜினிகாந்த் இயக்கும் ‘லால் சலாம்’ படத்தில் ரஜினி நடித்துவந்தார். 

அந்தப் படத்தில் அவருக்கான படப்பிடிப்பு அண்மையில் நிறைவடைந்தது. தொடர்ந்து அவர் ‘ஜெய்பீம்’ இயக்குநர் ஞானவேல் இயக்கத்தில் நடிக்க உள்ளார். இந்த படப்பிடிப்பு விரைவில் ஆரம்பிக்கவுள்ளது.

தொடர் படப்பிடிப்புகள் நிறைவு பெற்றதையடுத்து சிறிய இடைவேளைக்காக நடிகர் ரஜினிகாந்த் இலங்கை ஊடாக மாலைத்தீவுக்கு சுற்றுலா சென்றுள்ளார். 

அங்கு கடற்கரையில் அவர் ஓய்வாக நடந்து சென்ற புகைப்படம் ஒன்று இணையத்தில் ரசிகர்கள் மத்தியில் வைரலாக பகிரப்பட்டு வருகின்றது. 

இயக்குநர் ஞானவேல் படத்தைத் தொடர்ந்து ரஜினிகாந்த் நடிக்கும் 171-வது படத்தை இயக்குநர் லோகேஷ் கனகராஜ் இயக்க உள்ளதாக அதிகாரப்பூர்வமற்ற தகவல் பரவிவருவதும் குறிப்பிடத்தக்கது.