எரிபொருள் வரியை குறைக்க தீர்மானம் - வெளியான அறிவிப்பு!
Tamilnewsmgk 
இலங்கையில் எரிபொருள் வரியை அரசாங்கம் நிச்சயமாகக் குறைக்கும் என்று அரசாங்கத்தின் தலைமை கொறடா நளிந்த ஜயதிஸ்ஸ உறுதியளித்துள்ளார்.
இது தொடர்பான நடவடிக்கைகள் ஏற்கனவே தொடங்கப்பட்டுள்ளதாகக் கூறினார்.
இன்று நாடாளுமன்றத்தில் உரையாற்றிய அமைச்சர் ஜெயதிஸ்ஸ, எரிபொருள் வரி குறித்த விரிவான அறிக்கை விரைவில் நாடாளுமன்றத்தில் சமர்ப்பிக்கப்படும் என்று தெரிவித்தார்.
“இலங்கை பெட்ரோலியக் கூட்டுத்தாபனம் எவ்வாறு நஷ்டத்தில் இயங்கியது.
அந்தக் கால அமைச்சர்கள் எவ்வாறு இதில் ஈடுபட்டார்கள் என்பது குறித்த அறிக்கையை நாங்கள் சமர்ப்பிப்போம்.
அனைத்தையும் நாங்கள் வெளிப்படுத்துவோம். இது குறித்து சம்பந்தப்பட்ட அமைச்சர் பேசுவார்,” என்று அவர் தெரிவித்தார்.
ஏற்கனவே வழங்கப்பட்ட ரூ.50 எரிபொருள் வரியைக் குறைப்பதாக வாக்குறுதி அளிக்கப்பட்டதா என்பது குறித்து அரசாங்கத்திடம் கேள்வி எழுப்பிய ஸ்ரீலங்கா சுதந்திரக் கட்சி (SLFP) நாடாளுமன்ற உறுப்பினர் தயாசிறி ஜெயசேகரவுக்கு பதிலளிக்கும் விதமாக அமைச்சர் ஜெயதிஸ்ஸ இந்தக் கருத்துக்களைத் தெரிவித்தார்.
