பலாங்கொடை - ஓப்பநாயக்க உடவல விபத்தில் 6 பேர் வைத்தியசாலையில்!

பலாங்கொடை - ஓப்பநாயக்க உடவல பிரதேசத்தில் இன்று இடம்பெற்ற வாகன விபத்தில் பாரிய காயங்களுடன் பெண் ஒருவர் உட்பட 6 பேர் பலாங்கொடை வைத்தியசாலையில் அனுமதிக்கப்பட்டுள்ளனர்.

பெலிஹுல்ஓயா பிரதேசத்தில் இருந்து எஹலியகொடை பிரதேசத்திற்கு சென்ற டிபென்டர் ஒன்றும் உடவலவ பிரதேசத்தைச் சேர்ந்த மணல் ஏற்றிச் சென்ற லொறியுடன் மோதியதில் இந்த விபத்து இடம்பெற்றுள்ளது.

டிபென்டரில் பயணித்த பெண் ஒருவர் உட்பட 5 பேரும் லொறியின் சாரதியும் உட்பட 6 பேர் பாரிய கரங்களுடன் பலாங்கொடை ஆதார வைத்தியசாலையில் அனுமதிக்கப்பட்டுள்ளனர்.

டிபென்டரில் பயணித்த பெண் ஒருவரும் ஆண் ஒருவரும் மேலதிக சிகிச்சைக்காக இரத்தினபுரி மற்றும் கொழும்பு வைத்தியசாலைகளுக்கு அனுப்ப உள்ளதாகவும் காவற்துறையினர் தெரிவித்துள்ளனர்.

மேலதிக விசாரணைகளை ஓப்பநாயக்க காவற்துறையினர் மேற்கொண்டு வருகின்றனர்.

அதேவேளை, யாழ்ப்பாணம் - நல்லூர், செம்மணி வளைவுக்கு அருகில் இன்று மதியம் இடம்பெற்ற வாகன விபத்தில் ஒருவர் உயிரிழந்தார்.

மோட்டார் சைக்கிளில் ஒன்றும், தண்ணீர் தாங்கி ஊர்தி ஒன்றும் மோதிக் கொண்டதில் இந்த விபத்து இடம்பெற்றுள்ளது.

சம்பவத்தில், மோட்டார் சைக்கிளில் பயணித்த கொக்குவில் கிழக்கை சேர்ந்த 31 வயதான ஒருவர் உயிரிழந்தார்.

அவருடன் பயணித்த 26 வயதான மனைவி இந்த சம்பவத்தில் காயமடைந்த நிலையில் யாழ்ப்பாணம் போதனா வைத்தியசாலையில் சிகிச்சைகளுக்காக அனுமதிக்கப்பட்டுள்ளதாக பொலிஸார் தெரிவித்துள்ளனர்.