யானைகளின் அட்டகாசத்தால் பாதிக்கப்பட்டுள்ள மட்டக்களப்பு உறுகாமம்  கிராமம்!

வீடுகளையும், பயிர்ச்செய்கையையும் காட்டு யானைகள் அழித்து நாசமாக்கியுள்ளதுடன், மக்களின் வாழ்வாதாரத்திற்காக அமைத்துள்ள சிறு அங்காடிகளையும் சேதமாக்கியுள்ளன.

இதன்போது பொதுமக்கள் உயிர் தப்பி காயங்களுடன் அங்கிருந்து தப்பிச் சென்றதாக தெரிவிக்கப்பட்டுள்ளது.

நேற்று அதிகாலை காட்டு யானைகள் மின்சார வேலிகளையும் உடைத்து ஊருக்குள் நுழைந்து வாழை, மரவள்ளி, தென்னை உள்ளிட்ட பயன்தரும் பயிர்வகைகளை நாசம் செய்துள்ளதாக பொதுமக்கள் கூறுகின்றனர்.

அப்பகுதி மக்கள் எதிர்நோக்கி வரும் யானைகளின் அட்டகாசம் தொடர்பாக அதிகாரியிடம் பல தடவைகள் எடுத்துக் கூறியும் எந்தவித தீர்வும் கிடைக்கவில்லை எனவும் மக்கள் கவலை தெரிவிக்கின்றனர்.

இந்தநிலையில் அப்பகுதியில் காட்டு யானைகளின் அட்டகாசத்தால் அங்குள்ள மக்கள் கிராமத்தை விட்டு வெளியேறியும் வருகின்றனர்.