இலங்கையில் மதுபானசாலைகள் திறப்பு நேரத்தில் மாற்றம்?

இதற்கான வர்த்தமானி அறிவித்தல் ஒன்று ஜனாதிபதி  ரணில் விக்ரமசிங்கவினால்  வெளியிடப்பட்டுள்ளது.

மதுவரி கட்டளைச் சட்டத்தின் பிரிவு 32, உப பிரிவு 1 (இது 52 ஆவது அதிகார சபையின்) கீழ் வழங்கப்பட்டுள்ள அதிகாரங்களின் அடிப்படையில் ஜனாதிபதி இந்த வர்த்தமானி அறிவித்தலை வெளியிட்டுள்ளார்.

அதன்படி, உள்ளூர் மதுபான உரிமங்கள் கொண்ட மதுபானசாலைகள் முற்பகல் 10 மணி முதல் இரவு 9 மணி வரையும், வெளிநாட்டு மதுபான சில்லறை விற்பனை உரிமம் கொண்ட மதுபான சாலைகள் காலை 8 மணி முதல் இரவு 10 மணி வரையும், சுற்றுலா வாரியத்தின் அனுமதி இல்லாத விருந்தக உரிமங்கள் முற்பகல் 10 மணி முதல் இரவு 11 மணி வரையும் திறக்க அனுமதிக்கப்பட்டுள்ளது. .

மேலும், சுற்றுலா வாரியத்தின் அங்கீகாரம் பெற்ற விருந்தக உரிம வகைப்பாட்டின் அடிப்படையில் நள்ளிரவு 12 அல்லது அதிகாலை 2 மணி வரை திறந்திருக்கும்.

அத்துடன், விடுதி உரிமம் உள்ள கிளப்புகள் மற்றும் களியாட்ட விடுதிகள் நள்ளிரவு 12 மணி வரை திறந்திருக்கும்