லஹிரு திரிமானவின் ஓய்வை ஸ்ரீலங்கா கிரிக்கட் ஏற்றுக்கொண்டது!

இலங்கை அணியின் இடது கை துடுப்பாட்ட வீரரான லஹிரு திரிமானவின் ஓய்வை ஸ்ரீலங்கா கிரிக்கட் நிறுவனம் ஏற்றுக் கொண்டுள்ளது.

ஸ்ரீலங்கா கிரிக்கட்டினால் இன்று விடுக்கப்பட்ட அறிக்கையில் இந்த விடயம் தெரிவிக்கப்பட்டுள்ளது.

கடந்த  2010ஆம் ஆண்டு ஜனவரி மாதம் தேசிய அணியில் இணைந்து கொண்ட அவருக்கு தற்போது 34 வயதாகின்றது.

இறுதியாக அவர் 2022ஆம் ஆண்டு மார்ச் மாதம் பெங்களுரில் இடம்பெற்ற இந்தியாவிற்கு எதிரான டெஸ்ட் போட்டியில் பங்கேற்றிருந்தார்.

44 டெஸ்ட் போட்டிகளில் விளையாடி மூன்று போட்டிகளில் சதம் அடித்ததுடன், 10 அரைச்சதங்களையும் லஹிரு திரிமான பெற்றுள்ளார்.

அதேநேரம் டெஸ்ட் போட்டிகளில் மொத்தமாக 2 ஆயிரத்து 88 ஓட்டங்களை பெற்றதுடன் 127 ஒருநாள் சர்வதேச கிரிக்கட் போட்டிகளில் பங்கு கொண்டு 3 ஆயிரத்து 194 ஓட்டங்களை லஹிரு திரிமான பெற்றுள்ளமை குறிப்பிடத்தக்கது.