இலங்கைக்கு 191,000 சுற்றுலாப்பயணிகள் வருகை!

இந்த மாதத்தின் முதல் 25 நாட்களில் மாத்திரம் 191,018 சுற்றுலாப் பயணிகள் இலங்கைக்கு வருகை தந்துள்ளனர்.
 
சுற்றுலா அபிவிருத்தி அதிகார சபை வெளியிட்டுள்ள புதுப்பிக்கப்பட்ட அறிக்கையில் இந்த விடயம் தெரிவிக்கப்பட்டுள்ளது.

இதன்படி, குறித்த காலப்பகுதியில் ரஷ்யாவில் இருந்தே அதிகளவான சுற்றுலாப்பயணிகள் இலங்கைக்கு வருகை தந்துள்ளனர்.

ரஷ்யாவில் இருந்து 27,909 பேரும், இந்தியாவில் இருந்து 26,161 பேரும், சீனாவில் இருந்து 13,355 பேரும் இலங்கைக்கு வருகைத் தந்துள்ளதாக   சுற்றுலா அபிவிருத்தி அதிகார சபை தெரிவித்துள்ளது.

கடந்த ஜனவரி மாதத்தில் 282,053 சுற்றுலாப் பயணிகள் இலங்கைக்கு வருகை தந்துள்ளதாக சுற்றுலா அபிவிருத்தி அதிகார சபை       தெரிவித்துள்ளது.