கிரிக்கெட் தோல்வியின் பின்னணியில் சதி - தெரிவுக்குழுவின் தலைவர் குற்றச்சாட்டு!

உலகக் கிண்ணத் தொடரில் இலங்கை கிரிக்கெட் அணி தோல்வியடைந்தமையின் பின்னணியில் சதியொன்று இருப்பதாக ஸ்ரீ லங்கா கிரிக்கெட் தெரிவுக்குழுவின் தலைவர் பிரமோத்ய விக்ரமசிங்க தெரிவித்துள்ளார்.

உலகக் கிண்ணக் கிரிக்கெட் தொடரில் பங்குபற்றிய இலங்கை கிரிக்கட் அணி இன்று காலை கட்டுநாயக்க விமான நிலையத்தை வந்தடைந்தது. 

இதன்போது ஊடகங்களுக்கு கருத்து தெரிவித்த அவர்,  இந்த சதி  தொடர்பான அனைத்து தகவல்களையும் இன்னும் இரண்டு நாட்களில் வெளியிடவுள்ளதாகவும் தெரிவித்துள்ளார். 

இலங்கை கிரிக்கெட் அணிக்கு ஏற்பட்ட தோல்விக்கான பொறுப்பை தாம் ஏற்றுக்கொள்வதாகவும், தோல்விக்கு பின்னால் உள்ள சதியை அம்பலப்படுத்த தயாராக உள்ளதாகவும் அவர் குறிப்பிட்டுள்ளார்.