யாழ் விமான பயண (Takeoff tax) அறவீட்டு வரிச்சலுகையை நீடிக்க அனுமதி!

யாழ்ப்பாண விமான நிலையத்திற்கான விமான பயண (Takeoff tax) அறவீட்டு வரிச்சலுகையை நீடிக்க அமைச்சரவை அனுமதி வழங்கியுள்ளது.

சர்வதேச விமான நிலையத்தின் பயன்பாட்டை ஊக்குவிப்பதற்கு, சர்வதேச விமான நிறுவனங்களால் செலுத்தப்பட வேண்டிய FlightTakeofff tax அறவீட்டு வரியில், 50 சதவீதத்தை மாத்திரம் அறவிடுவதற்கு கடந்த வருடம் டிசம்பர் மாதம் 19 ஆம் திகதி இடம்பெற்ற அமைச்சரவை கூட்டத்தில் அங்கீகாரம் வழங்கப்பட்டது.

எனினும், இந்த வரிச்சலுகை காலம் கடந்த 11 ஆம் திகதியுடன் முடிவடைந்துள்ளது.

அதன்படி, யாழ்ப்பாண சர்வதேச விமான நிலையத்தை பயன்படுத்தும் பயணிகளுக்கு பயணச்சீட்டுக்களை மலிவு விலையில் வழங்குவதற்காகவும், அதனூடாக விமான நிலையத்தின் பயன்பாட்டை ஊக்குவிப்பதற்கும் இந்த வரிச்சலுகை அறிவிக்கப்பட்டது.

இந்த நிலையில், Takeoff tax வரிச்சலுகை காலத்தை நீடிக்க துறைசார்ந்த அமைச்சர் முன்வைத்த யோசனைக்கு அமைச்சரவை அனுமதி வழங்கியுள்ளது.