இனவாதத்தை பரப்புவோருக்கு எதிராக கடும் சட்டம் - ஜனாதிபதி

இனவாதத்தை பரப்புவோருக்கு எதிராக சட்டத்தை கடுமையாக அமுல்படுத்துவதாக ஜனாதிபதி அநுரகுமார திஸாநாயக்க தெரிவித்துள்ளார்.

 வல்வெட்டித்துறை பிரதேசத்தில் நேற்று இடம்பெற்ற சிநேகபூர்வ சந்திப்பின் போது, நாட்டிலுள்ள அனைத்து இன மக்களினதும் கலாசாரம், பண்பாடுகள் மற்றும் விழுமியங்களைக் கொண்டாடும் வகையில் ஒக்டோபர் மாதத்தில் விசேட தினமொன்று அறிவிக்கப்படும் என ஜனாதிபதி தெரிவித்தார்.

இதேவேளை, யாழ்.மாவட்டத்தின் தற்போதைய அபிவிருத்தி வேலைத்திட்டம் மற்றும் எதிர்கால திட்டங்கள் தொடர்பில் கலந்துரையாடும் வகையில் நேற்று யாழ்.மாவட்ட அபிவிருத்தி குழு கூட்டம் ஜனாதிபதி தலைமையில் இடம்பெற்றது.

இந்த சந்திப்பின் போது வடமாகாண வேலையற்ற பட்டதாரிகள் குழுவொன்று யாழ்.மாவட்ட செயலகத்திற்கு முன்பாக ஆர்ப்பாட்டத்தில் ஈடுபட்டனர்.

அவர்களின் பிரச்சினைக்கு தீர்வு வழங்குமாறு அரசை வற்புறுத்துவதன் மூலம்.

யாழ்.மாவட்ட ஒருங்கிணைப்புக் குழுக் கூட்டத்தில் உரையாற்றிய அநுரகுமார திஸாநாயக்க, வடக்கில் நிலவும் காணி பிரச்சினை தொடர்பில் மீளாய்வு செய்யப்பட்டு மக்களுக்கான காணிகளை மீள வழங்குவது துரிதப்படுத்தப்படும் என தெரிவித்துள்ளமை குறிப்பிடத்தக்கது.