பொலிஸ் உத்தியோகத்தர்கள் மீது தாக்குதல் - மூவர் கைது!

கைதானவர்கள், ஒரே குடும்பத்தைச் சேர்ந்த தாய், மகன் மற்றும் மகள் ஆகியோரென தெரிவிக்கப்பட்டுள்ளது.

இந்த சம்பவத்தில் காயமடைந்த பொலிஸ் உத்தியோகத்தர் ஒருவர் மட்டக்களப்பு வைத்தியசாலையில் அனுமதிக்கப்பட்டதாக பொலிஸார் குறிப்பிட்டுள்ளனர்.

நபரொருவருக்கு எதிராக முறைப்பாடு செய்வதற்காக முச்சக்கர வண்டி சாரதி ஒருவர் கொக்குவில் பொலிஸ் நிலையத்துக்கு பிரவேசித்துள்ளார்.

அதன்போது, சந்தேகநபர்கள் மூன்று பேரும் பொலிஸ் நிலையத்துக்குள் சென்று குறித்த முச்சக்கரவண்டி சாரதிக்கு எதிர்ப்புத் தெரிவித்து வன்முறையில் ஈடுபட்டனர்.

இதனை தொடர்ந்து பொலிஸார் அவர்களை எச்சரித்ததையடுத்து, அவர்கள் பொலிஸ் அதிகாரிகள் மூவரை தாக்கியுள்ளனர்.