மட்டக்களப்பு வின்சன் பாடசாலையின் பழைய மாணவி ஐக்கிய இராச்சியத்தில் சாதனை!

இலங்கை - மட்டக்களப்பு வின்சன் பாடசாலையின் பழைய மாணவியான பூஜா உமாசங்கர் ஐக்கிய இராச்சியத்தில் சாதனை படைத்துள்ளார்.

இவர் இலங்கையின் கிழக்கு பல்கலைக்கழக சிரேஷ்ட விரிவுரையாளரான S. உமாசங்கர், ஓய்வு பெற்ற ஆசிரியை ரசிகா நில்மினி உமாசங்கர் ஆகியோரின் புதல்வியாவார்.

பூஜா உமாசங்கர் சவுத் வேல்ஸ் பல்கலைக்கழகத்தில் விமான பொறியியல் துறை பட்டம் பெறவுள்ள நிலையில் அவரின் துறை சார்ந்த அசாத்திய திறமை காரணமாக உலக தரம் வாய்ந்த நிறுவனங்களால் நேர்காணல் செய்யப்பட்டார். 

இவருக்கு கிடைத்த அங்கீகாரம் பெண்களுக்கு மட்டுமன்றி இலங்கை மண்ணுக்கே கிடைத்த பெருமையாகும் என சமூக ஆர்வலர்கள் சுட்டிக்காட்டியுள்ளனர்.

பொது விமான போக்குவரத்து துறையில் சாதிக்க விரும்புவர்களுக்கு இவரின் சாதனை ஓர் உந்துசக்தியாக அமையும் என்பது சுட்டிக்காட்டத்தக்கது.