பொது மக்களின் உதவியை நாடும் பொலிஸார்!

பல பகுதிகளில் வாகனம், நிதி மோசடி உள்ளிட்ட குற்றச் செயல்களுக்காக தேடப்படும் சந்தேக நபரைக் கண்டுபிடிக்க பொலிஸார் பொதுமக்களின் உதவியை நாடியுள்ளனர்.

பொலிஸாரின் கூற்றுப்படி, சந்தேக நபர் 2020 ஆகஸ்ட் மாதம் கொழும்பு தேசிய மருத்துவமனையின் வாகன நிறுத்துமிடத்திலிருந்து ரூ.16.5 மில்லியன் மதிப்புள்ள SUV காரை திருடிச் சென்றுள்ளார்.

2023 டிசம்பரில் வாகனம் வாங்கித் தருவதாகக் கூறி ரூ.12.5 மில்லியன் மோசடி செய்துள்ளார்.

பல மொழிகளில் பேசத் தெரிந்த சந்தேக நபர், அரசாங்கத்தின் அதிகாரப்பூர்வ சின்னத்தைப் பயன்படுத்தி வாகனங்களில் பயணிப்பது கண்டறியப்பட்டுள்ளதாக பொலிஸார் கூறியுள்ளனர்.

சந்தேக நபர் பிரதேசத்தை விட்டு தப்பிச் சென்றுள்ளதால், ஏதேனும் தகவல் தெரிந்தவர்கள் 071-8591735 மற்றும் 071-8596507 என்ற தொலைபேசி எண்கள் மூலம் பொலிஸாரைத் தொடர்பு கொள்ளுமாறு பொலிஸார் பொதுமக்களிடம் கோரிக்கை விடுத்துள்ளனர்.