விண்வெளிக்கு செல்லும் இந்தியாவின் பெண் ரோபோ 'வியோமித்ரா!

இந்தியர்களை விண்வெளிக்கு அனுப்பும் ககன்யான் திட்டத்திற்காக இந்தியா பெண் ரோபோவான 'வியோமித்ரா'வை அனுப்ப திட்டமிடப்பட்டுள்ளதாக மத்திய அமைச்சர் ஜிதேந்திர சிங் தெரிவித்துள்ளார்

அக்டோபர் முதல் அல்லது இரண்டாவது வாரத்தில் ஒரு சோதனை விண்வெளிப் பயணம் முயற்சி செய்யப்படும். 

இதன் பின்னர் இரண்டாவது முயற்சியில் பெண் ரோபோ 'வியோமித்ரா' விண்வெளிக்கு அனுப்பப்படும் என்று இந்திய மத்திய அறிவியல் மற்றும் தொழில்நுட்பத் துறை இணை அமைச்சர் சிங் கூறியுள்ளார்.

தொற்றுநோய் காரணமாக ககன்யான் திட்டம் தாமதமானது. இப்போது அக்டோபர் முதல் அல்லது இரண்டாவது வாரத்தில் முதல் சோதனைப் பயணம் திட்டமிடப்படுகிறது.

விண்வெளி வீரர்களை அனுப்புவது போலவே அவர்களைத் திரும்பக் கொண்டுவருவதும் முக்கியமாகும் என்றும் மத்திய அமைச்சர் கூறியுள்ளார்.

இதற்காகவே சோதனைக்காக பெண் ரோபாவான வியோமித்ரா அனுப்பப்படுவதாக மத்திய அமைச்சர் குறிப்பிட்டுள்ளார்.